Эрүүл мэндийг эрхэмлэж, дэлхийд өрсөлдөхүйц ирээдүйн манлайллыг бүтээж, хүн амын эрүүл мэндэд хувь нэмэр оруулна.
Хариуцлагатай, хүндэтгэлтэй харилцааг эрхэмлэн
Ёс зүйг дээдлэн ажиллах
Хамтын ажиллагааг эрхэмлэн
Эрх тэгш, хайр халамжийг түгээх
Хүүхдийн эрүүл мэнд, сайн сайхан, аюулгүй байдлыг нэн тэргүүнд тавина.
Нийслэлийн хүүхдийн сэргээн засах “Эрүүл үрс” төв нь анх 1962 оны 10 сарын 12 нд дулааны 2 дугаар цахилгаан станцын ажилчдын 0-3 насны хүүхдийг авч асардаг ясли нэртэйгээр, Улаанбаатар хотын Ардын Депутатын Хурлын Гүйцэтгэх Захиргааны тогтоолоор байгуулагдсан.
1991 оноос Сонгино Хайрхан Дүүргийн суурь өвчтэй буюу рахиттай,цус багадалттай, хоол тэжээлийн архаг дутагдалтай, өвчлөмтгий хүүхдийг эмчлэх сувилалын ясли болгон өргөжүүлэн үйл ажиллагаагаа явуулж, нийслэлийн хэмжээнд өрхийн эрүүл мэндийн төв, дүүргийн эрүүл мэндийн төвийн амбулаториос илгээсэн 0-3 насны, суурь өвчтэй, дархлаа сул, хөдөлгөөний хоцрогдолтой, хөнгөн хэлбэрийн хөгжлийн бэрхшээлтэй хүүхдүүдийг эрүүлжүүлэх, сувилах, сэргээн засах тусламж үйлчилгээ үзүүлэх үүрэг бүхий байгууллага болон үйл ажиллагаагаа өргөжүүлсэн.
Тус хүүхдийн сэргээн засах төв нь суурь өвчтэй хүүхдэд эмчилгээ сувилгааг стандартын дагуу чанартай хийж гүйцэтгэхэд дотоод нөөц бололцоогоо бүрэн дүүрэн ашиглаж жилдээ 3-4 удаагийн сэлгэлтээр нэг удаадаа 180-200 хүүхдийг хүлээн авч 20 гаруй нэр төрлийн эмийн бус эмчилгээ, 60 гаруй төрлийн хоол үүнээс 25–н төрлийн нэмэгдэл хоол өгч үр дүнг нь тооцон ажилладаг. Жилийн эцсийн судалгаагаар нийт хамрагдсан хүүхдийн 80- 85 %-д нь сайн үр дүн гарсан байдаг.
2019 онд НЭМГ-ын А/213 тоот тушаалын дагуу Нийслэлийн хүүхдийн сэргээн засах Эрүүл Үрс төв нэртэйгээр хүүхдийн сэргээн засах тусламж үйлчилгээг үзүүлэн ажиллаж байна.